Isko qishda APL grandlaridan biriga ko‘chib o‘tishi mumkin

"Real" Madrid yarim himoyachisi Isko faoliyatini "Lester"da davom ettirishi mumkin.

Fichajes nashri tarqatgan xabarga qaraganda, 29 yoshli ispaniyalik futbolchiga "Lester" xaridor bo‘lmoqda. “Tulkilar” Iskoni joriy qishki transferlar davrida ijaraga olishni rejalashtirmoqda.

O‘z navbatadi Isko ham “Lester”ning taklifiga rozilik bildirishi mumkin. Boisi, u "Real"da etarli o‘yin amaliyotiga ega bo‘la olmayapti.

Iskoning “Real” bilan amaldagi shartnomasi 2022 yilning yozida o‘z nihoyasiga etadi. U joriy mavsum “Qirollik klubi”da 6 ta o‘yinda maydonga tushdi va 1 ta gol urdi.