Иньеста Бускетснинг фаолияти якунлангани муносабати билан пост ёзди

"Барселона" ва Испания терма жамоаси собиқ ярим ҳимоячиси Андрес Иньеста жамоадоши Серхио Бускетснинг фаолияти якунланганига муносабат билдирди.

"Сен билан бирга майдонда бўлиш улкан шараф бўлди. Ушбу йиллардан завқ олдим! Бу ажойиб вақт эди!

Сен футбол тарихига кирган энг буюк ўйинчилардан бирисан, бу борада ҳеч қандай шубҳа йўқ. Сенинг ўйин услубинг ноёб бўлиб, абадий хотирамизда қолади.

Олдиндаги барча ишларингда омад тилайман", – деб ёзди Иньеста ижтимоий тармоқларда.

Эслатиб ўтамиз, Бускетс МЛСда мавсум ўз ниҳоясига етганидан сўнг футболчилик фаолиятини тугатишини эълон қилган эди.