Ҳусановнинг рақобатчиси Туркия клубига ўтиши мумкин

"Манчестер Сити"нинг швейцариялик ҳимоячиси Мануэль Аканжи клубни тарк этиши мумкин. Яқинда Туркиянинг "Галатасарой" клуби 30 ёшли футболчининг трансфери бўйича "шаҳарликлар"га расмий таклиф юборгани ҳақида маълумотлар пайдо бўлган эди.

Журналист Роб Доусоннинг таъкидлашича, "Манчестер Сити" Аканжини Туркияга жўнатишга тайёр, бироқ фақат таклиф этилган сумма клубни қониқтирсагина. Аканжи 2022 йилдан бери Англиянинг нуфузли жамоасида тўп тепиб келмоқда.

У ўтган мавсум барча мусобақаларда 40 та ўйинда иштирок этиб, 2 та голли узатмани амалга оширди. Transfermarkt сайти футболчининг қийматини 28 миллион еврога баҳоламоқда.