Ҳусановга қайси жамоа мос: “Реал”, “Атлетико” ёки “Юве”?

Англия Премьер-лигаси кўчиб ўтганидан кейин дастлабки ойларда “Манчестер Сити”даги  ўйинлари билан порлаган Абдуқодир Ҳусанов кейинги пайтда Хосеп Гвардиола томонидан учрашувларда майдонга туширилгани йўқ.

Бу ҳолат футбол жамоатчилиги, нуфузли манбалар, экспертлар, мутахассислар ва оддий мухлислар ўртасида муҳокамаларга сабаб бўлмоқда.

Қозоғистонлик футбол шарҳловчиси ва эксперти Бексултон Кеулимкос 21 ёшли ўзбек футболчисининг шахсий ва профессионал хусусиятлари ҳақида ўз мулоҳазаларини билдириб ўтди.

Sports.uz портали қозоғистонлик мутахассиснинг Абдуқодир Ҳусанов ҳақидаги фикрларини ўзбекистонлик футбол ишқибозлари эътиборига ҳавола этади.

Ҳусановнинг менталитети

Абдуқодир Ҳусановнинг менталитетига ҳеч қандай шубҳам йўқ. Бу борада у жуда кучли ўйинчи. Тартиб-интизоми бўйича ҳам гап-сўз бўлиши мумкин эмас. Бу борада бирор салбий маълумотга дуч келганим йўқ. Ҳамма нарса ўйинчининг ўзига боғлиқ.

Ҳусановнинг майдонга тушмаётгани сабаби

Бунга асосий сабаб сифатида Йошко Гвардиола ва Рубен Диашнинг ҳимоя марказида бехато ва юқори даражада ўйнаётганини кўрсатиш мумкин. Шунингдек, сап қанотда янги ном – Нико О’Райли пайдо бўлди.

“Борнмут” билан ўйинда О’Райли айнан Абдуқодир Ҳусанов ўрнига майдонга тушди ва чап қанотдан жой олди. Йошко Гвардиол эса, ҳимоя марказига – Ҳусанов ўрнига кўчди.

Ҳусановнинг ўйин услуби

Абдуқодир Ҳусановнинг ўйин услуби “Манчестер Сити”га тўғри келмайди. Манчестерликлар учрашувнинг 70 фоизи давомида тўпга эгалик қилади ва уларга биринчи пас беришда юқори даражага эга ўйинчилар кўпроқ мос келади.

Ҳусанов катта тезлик ва тўпни олиб қўйишда шиддатли ўйнайдиган футболчи, унинг услуби ва ҳаракатлари тўп рақибда бўлганида кўпроқ фойда келтиради. Шу боис, тўпни назорат қилиб ўйнайдиган “Манчестер Сити”га бу ўйинчи мос эмас.

Абдуқодирни тотал прессинг қўллаб ўйнайдиган жамоалар – “Ливерпуль”, “Тоттенхэм” ва “Реал Мадрид”га қарши беллашувларда майдонга туширган маъқул.

Ҳусановга қайси жамоалар мос?

Абдуқодир Ҳусанов ўз ўйин услуби билан қайси клубларда ўйнаши мумкин? У “Ювентус”, “Атлетико адрид” ва “Реал” каби жамоаларда ўйнаши мумкин.

Масалан, “Реал”да ҳимоячи Рауль Асенсио бор, у ўйин услуби бўйича Ҳусановнинг копияси. Лекин ҳар қандай испаниялик каби пас бериш маданияти жуда юқори шаклланган. Шу томондан Асенсиода бироз устунлик бор.

Эслатиб ўтамиз, “Манчестер Сити” Абдуқодир Ҳусановни 20 январь куни “Ланс”дан 40 миллион евро эвазига трансфер қилган эди. 21 ёшли ўзбек легионери “шаҳарликлар” сафида Англия Премьер-лигаси, мамлакат кубоги ва Европа Чемпионлар лигаси мусобақаларида тўққизта учрашувда иштирок этиб, битта гол ҳам урди.

Transfermarkt портали экспертлари томонидан 35 миллион еврога баҳоланаётган ҳамюртимизнинг “Манчестер Сити” билан амалдаги шартномаси 2029 йилнинг 30 июнигача тузилган.

Шомуродов “Интер”га зиён келтирган!

Файзуллаев нега яхши ўйнолмаяпти?

ЦСКА Файзуллаевга нарх белгилади! Трансфер яқинми?

Шомуродов Довбикни “синдирди”!

Файзуллаев “йўқолиб” қолди!

Шомуродов бир гол билан “Рома”нинг мавсум рекордини ўрнатди. Навбат тарихий рекордга!