Ҳусанов кутиб ол! Жамоага 87 миллион еврога янги юлдуз келади

“Манчестер Сити” раҳбарияти 20 январда жамоага Абдуқодир Ҳусановнинг олиб келиниши билан бошланган авлодлар алмашинуви жараёнини ҳали давом эттириши маълум бўлди.

Хосеп Гвардиола илгари катта ютуқларни қўлга киритган ёши катта тажрибали ўйинчилар ўрнига янги ижрочиларни олиб келишга алоҳида эътибор бермоқда.

Испаниялик мутахассис назарига тушган янги номларда бири Эллион Андерсон бўлди. Transfer News Live ҳамда Daily Express сингари манбаларнинг маълум қилишича, “шаҳарликлар” раҳбарияти “Ноттингем Форест”да порлаётгае 22 ёшли ярим ҳимоячи чун 87 миллион евро атрофида харажат қилишга розилиги билдирмоқда.

Шунга қарамай, сентябрь ойида Англия терма жамоасида дебют қилган ўйинчини олиш осон бўлмайди. “Ўрмончилар” юлдузини қўлга киритиш учун “Манчестер Сити” трансфер бозорида бир неча бақувват клублар, хусусан, “Челси” ва “Манчестер Юнайтед” билан рақобатлашишига тўғри келади.

Эслатиб ўтамиз, аслида Англия Премьер-лигасининг бошқа клуби – “Ньюкасл Юнайтед” тарбияланувчиси ҳисобланган Эллиот Андерсон 2024 йилнинг ёзидан бери “Ноттингем Форест” клуби шарафини ҳимоя қилиб келмоқда.

“Ўрмончилар” билан 2029 йилнинг ярмигача давом этадиган шартномага эга марказий ярим ҳимоячи transfermarkt.world экспертлари томонидан 32 миллион еврога баҳоланмоқда.

Гвардиола Родри ўрнига ундан зўрини топиб қўйди

2024 йилги “Олтин тўп” соҳиби Родри Эрнандес “Манчестер Сити” учун қанчалик муҳим аҳамиятга эга бўлмасин, унинг клуб таркибидаги келажаги ҳамон мавсум бўлиб турибди.

“Шаҳарликлар” 29 ёшли испан футболчиси билан 2027 йилнинг ёзида тугайдиган шартномани узайтиришни режалаштирган. Бироқ Родрига “Реал” жиддий қизиқиш билдирмоқда.

Хосеп Гвардиола ҳозирдан унинг ўрнини боса оладиган футболчи топиб қўйди.  Fichajes нашрининг ёзишича, бош мураббий “Кристал Пэлас” таянч ярим ҳимоячиси Адам Уортонни ўз жамоасида кўрмоқчи.

Гвардиоланинг фикрича, Уортон Родрига идеал ўринбосар бўла олади.

Трансферлар бўйича экспертлар “шаҳарликлар”га Адам Уортонни олиш осон бўлмаслигини таъкидлади. 21 ёшли ярим ҳимоячига Европанинг бир неча гранд клублари, хусусан, “Сити”нинг ашаддий рақиби “Манчестер Юнайтед” ҳам жиддий қизиқиш билдирмоқда.

“Сити” арзон, лекин зўр футболчи топди

Истеъдодларга бой бўлган Португалия чемпионатида “Фамаликан” клуби шарафини ҳимоя қилаётган ярим ҳимоячи Гуштаву Са Европанинг гранд клублари эътиборини ўзига торта бошлади.

Calciomercato нашрининг ёзишича, ҳозирнинг ўзида 20 ёшли футболчига “Манчестер Сити” ва “Ювентус” жиддий қизиқиш билдирмоқда.

Са футбол сирларини “Порту”да ўргана бошлаган ва кейинроқ “Фамаликан” академиясига кўчиб ўтган. 2022 йилдан бери асосий жамоада ўйнаб келмоқда.

Гуштаву асосан майдон марказида ҳужумчи ортида ҳаракат қиладиган ўйинчи ҳисобланади. “Фамаликан” билан 2029 йилнинг 30 июнига қадар давом этадиган шартномага эга футболчининг трансфер суммаси 16 миллион еврони ташкил қилади.

Шомуродов зарбаларидан Европанинг нечта жамоаси “азият” чекканини биласизми?

Мбаппе Шомуродовнинг ўйинларини кузатяптими?

“Манчестер Сити”нинг Ҳусанов бўйича якуний қарори маълум бўлди