Gvardiola: “Bugun Husanov hech narsa olib kelmadi, faqatgina bor e’tiborini o‘yinga qaratdi”

“Manchester Siti” bosh murabbiyi Xosep Gvardiola “Tottenxem”ga qarshi bahsdan so‘ng qishda jamoaga yangi qo‘shilgan hamyurtimiz Abduqodir Husanov haqida ko‘proq to‘xtalib o‘tdi. 
 
"Menga yoqadigan jihati shuki, u allaqachon "Manchester Siti" kiyinish xonasida juda yaxshi qabul qilingan. Bugun u hech qanday yuvinish sumkasisiz, hech narsasiz kelib, faqat futbol o‘ynashga e’tibor qaratdi. U bilan gaplashsangiz, doimo kulib turadi. 
 
Abduqodir ishonchli futbolchi, juda tez, chaqqon, to‘p bilan pas sifatini ajoyib tarzda namoyish etadi. Uning chiziqlarni yorib o‘tish uchun qobiliyati ham bor. Albatta, u hali takomillashishi kerak, lekin atigi 20 yoshdaligini ham unutmasligimiz zarur. Men tezkor futbolchilarni ko‘rganman va u bulardan biridir. 
 
Odamlar uni juda yaxshi ko‘rishadi. Husanov ancha kamgap, tinmay ishlaydi, shikoyat qilmaydi, juda kamtarin va ishonchim komilki, bizning muxlislarimiz ham uni sevib qolishadi. Birinchi o‘yinda "Chelsi"ga qarshi qiyin vaziyatni engib o‘tish oson emas. Biroq, o‘zbekistonlik himoyachi keyingi kunlarda xotirjam qoldi va oxirgi o‘yinlarda haqiqatdan ham juda yaxshi harakat qildi" – dedi "shaharliklar" bosh murabbiyi.

Ma’lumot o‘rnida, milliy terma jamoamiz himoyachisi "shporlar"ga qarshi bahsda to‘liq harakat qilib, 7.1 ballni qo‘lga kiritdi.