Gavi endi sevimli raqamida o‘ynay oladi

Bugun Barselonadagi xo‘jalik sudi Gavini qishki transfer bozori yopilguniga qadar "Barselona" asosiy jamoa o‘yinchisi sifatida ro‘yxatdan o‘tishini ta’minlash uchun zarur bo‘lgan hamma narsani qilishga undash uchun noodatiy vaqtinchalik chora ko‘rishga qaror qildi.

Sud "Barselona"ga Gavining yangi shartnomasini ro‘yxatdan o‘tkazishga ruxsat berdi va u endi o‘zi xohlagan 6-raqamda harakat qila oladi.

Sentyabr oyida "Barsa" 18 yoshli yarim himoyachi bilan shartnomani 2026 yilgacha uzaytirganini e’lon qilgandi, kelishuv shartlariga ko‘ra, uning maoshi oshirilishi kerak edi.

Eslatib o‘taimz, Gavi joriy mavsumda La Ligada 18 ta o‘yinda maydonga tushib, 2 ta golli uzatmani amalga oshirdi.