Futbolchimiz arab diyoriga ketdi

Rossiya Premer-ligasi debyutanti «Akron» chempionatning ikkinchi yarmiga tayyorgarlikni boshladi. Birinchi yig‘in 30 yanvarga qadar Birlashgan Arab Amirliklarida bo‘lib o‘tadi.

Tolyatti klubi matbuot xizmati qishki o‘quv-mashg‘ulot yig‘inlariga jalb qilingan futbolchilar ro‘yxatini e’lon qildi.

Ular orasida hamyurtimiz Sherzod Esonov ham bor.

Tarkib bilan tanishing:

Darvozabonlar:

 Matvey Bezrogov, Aleksandr Vasyutin, Sergey Volkov, Artyom Grigorev, Dmitriy Nagaev.

Himoyachilar:

Vyacheslav Bardibaxin, Marat Bokoev, Paulo Vitor, Boyan Dimoski, Nikita Krivoruchko, Dmitriy Pestryakov, Konstantin Savichev, Aleksey Solovyov, Roberto Fernandes, Rodrigo Eskoval.

Yarim himoyachilar:

Soltmurad Bakaev, Artur Galoyan, Kirill Danilin, Ifet Djakovats, Aleksa Djurasovich, Maksim Kuzmin, Stefan Lonchar, Vladimir Moskvichyov, Vladimir Xubulov, Sherzod Esonov.

Hujumchilar:

Jilson Benshimol, Sergey Gribov, Artyom Dzyuba, Arseniy Dmitriev, Mavis Chibota.

O‘quv-mashg‘ulot yig‘ini davomida “Akron” uchta sinov-nazorat uchrashuvini o‘tkazishi rejalashtirilgan.

21 yoshli markaziy yarim himoyachi Sherzod Esanov yozda “Andijon”dan “Akron”ga 210 ming evro evaziga transfer qilingan edi. Iste’dodli futbolchimiz legioner sifatida Rossiya Premer-ligasi va mamlakat kubogida jami 12 marta maydonga tushdi.

Sherzodning Rossiya klubi bilan amaldagi shartnomasi 2027 yilning 30 iyunigacha davom etishi belgilangan.