Футболчи Раҳим 36 ёшида вафот этди

Сингапур терма жамоасининг собиқ футболчиси Ҳафиз Раҳим 36 ёшида ҳаётдан кўз  юмди.

Маълумотларга қараганда, у мотоциклни бошқариб кетаётганда аварияга учраган ва воқеа жойида ҳалок бўлган. Унинг уч нафар фарзанди бор эди.

Ҳафиз Раҳим Сингапурнинг бир неча клублари шарафини ҳимоя қилган. 2009 йили “Гейланд Юнайтед” таркибида мамлакат кубогини қўлга киритган. Беш йилдан сўнг “Уорриорс” жамоаси сафида Сингапур чемпиони бўлган.

2011-2014 йилларда Сингапур терма жамоаси таркибида 9 та ўйинда қатнашган Раҳим битта гол урган эди.