"Freestyle chess-2025" турнирининг сўнгги кунидаги муҳим баҳслар старт олди

Икки ҳамюртимиз Жавоҳир Синдаров ва Нодирбек Абдусатторов Магнус Карлсен ва Ҳикару Накамурага қарши жавоб беллашувида иштирок этишмоқда. 
 
Агарда Синдаров бугун норвегиялик рақибини енгиб, 3-ўрин соҳибига айланса, 100 минг долларга эга бўлади. Мағлубиятга учраса эса 60 минг долларни қабул қилиб олади. 
 
Нодирбек эса Ҳикару устидан ғалаба қозониб, 5-ўринни эгалласа, 50 минг доллар олади. Агарда шахматчимиз муваффақиятсизликка учраса, 40 минг доллар билан кифояланади. 
 
Маълумот ўрнида, икки гроссместеримиз ҳам илк учрашувда рақибларига имкониятни бой берган эди. 
 
Муҳим беллашувлардан олдин шахматчиларимизга омад тилаб қоламиз.