Флик: "Тўпни йўқотсак ҳам бир бутун жамоа сифатида ҳужум қилишимиз керак"

"Барселона" бош мураббийи Ханс-Дитер Флик Чемпионлар Лигасида "Айнтрахт"га қарши ўйин олдидан журналистлар саволларига жавоб қайтарди. У жамоа ўйини ва муҳим принциплар ҳақида тўхталиб ўтди.

"Жуда кўп нарсани ошкор қилгим келмайди, чунки эртага биз жиддий рақибга қарши ўйнаймиз. Тўпни йўқотган заҳотингизоқ қайта қурилиш қилиш керак. Биз ҳимояланишимиз, кўпроқ югуришимиз лозим.

Ишонч ва иштиёқ бўлганда эса тўғри жойлашув жуда муҳим — шунда тўпни назорат қилиш мумкин. Биз ягона механизммиз. Футболчилар бир-бири билан яхши боғланганида, ҳатто тўпни йўқотган пайтда ҳам имкониятлар яратиш мумкин", — деди Флик матбуот анжуманида.