Ertaga qaysi legioner hujumchimiz asosiy tarkibda maydonga tushadi? Katanets javob berdi

Bugun "Navbahor" stadionida "Navruz Cup" xalqaro turniri oldidan matbuot anjumani bo‘lib o‘tdi. Unda milliy terma jamoamiz bosh murabbiyi Srechko Katanets ham qatnashib, jurnalistlarni qiziqtirgan savollarga javob berdi.

Ertaga klubida zaxirada o‘tirgan Shomurodov boshlang‘ich tarkibda maydonga tushadimi yoki asosiy tarkib futbolchilari bo‘lgan boshqa legioner hujumchilarimizmi?

Albatta, Eldor Shomurodovga ishonch bildiramiz. Shuningdek, Sherzod Temirovga ham vaqt berishni niyat qilganmiz. Eldor jamoa sardori. Bizda Shomurodov, Masharipov, Shukurov kabi etakchi futbolchilar bor. Ularning har uchalasi sardor, ammo bog‘ich bitta. Men uni Eldorga berishni istadim, chunki u MTJ safida qolganlardan ko‘proq o‘yin o‘tkazgan.