Эрик тен Хаг Роналду масаласига нуқта қўйди!

“Манчестер Юнайтед” бош мураббийи Эрик тен Хаг жамоа ҳужумчиси Криштиану Роналду атрофида бўлаётган гап-сўзларга барҳам берди.

- Роналдунинг келажаги аниқ. Бизга сифатли футболчилар керак. Жамоа ҳар бир учрашувда барқарор ўйин кўрсатиши учун ана шундай ўйинчилар кўп бўлиши керак. Аарон Ван-Биссака ҳам қолади. Бу таркиб энг камида январгача ўзгармайди, - деди Эрик тен Хаг.

Криштиану Роналду анчадан бери Чемпионлар лигасида қатнашадиган жамоага ўтмоқчилиги ҳақида хабарлар тарқатилаётган эди.

Манчестерлик футболчиларнинг аксарияти португалиялик юлдузнинг кетишидан хурсанд эканини яширмаган.