Dembele "Oltin to‘p" mukofotiga nomzod bo‘lgani haqida gapirdi

PSJ hujumchisi Usmon Dembele "Oltin to‘p" mukofoti haqida fikr bildirdi.

"Futbolchi uchun individual sovrinlar orasida undan yaxshirog‘i yo‘q. Uni qo‘lga kiritgan afsonalar ro‘yxatini ko‘rganda, bu haqiqatdan ham ajoyib tuyg‘u uyg‘otadi.

Chempionlar ligasi finali oldidan odamlar meni ko‘rib, "Oltin to‘p! Oltin to‘p!" deb baqirishdi. Lekin rostini aytsam, Luis Enrike, murabbiylar shtabi va butun jamoa finalga tayyorgarlikda faqat jamoaviy maqsadlarga e’tibor qaratgan edi.

Bir mavsumda to‘rtta sovrin, gollar va assistlardan so‘ng seni ushbu mukofotga da’vogar sifatida ko‘rishlari tabiiy hol", – deya ta’rif berib o‘tdi frantsiyalik hujumchi.