Давид Гоффин курашдан чиқди

Бельгиялик теннисчи Давид Гоффин Барселона шаҳрида ўтаётган мусобақанинг иккинчи даврасида муваффақиятсизликка учради.

Давид ушбу босқичда германиялик Ян-Леннард Штруффга қарши кортга чиқиб, якунда 6:7, 3:6 ҳисобида имкониятни бой бериб қўйди.

Шу тариқа "Barcelona Open Banc Sabadell" турнирининг учинчи даврасига йўл олган Штруфф, энди венгриялик Мартон Фучович ва грециялик Стефанос Циципас учрашуви ғолиби билан рақобатлашадиган бўлди.