Чемпионлар лигасига чиқолмасак, суперклубдан кетамиз!
Туриннинг “Ювентус” клуби мавсумнинг қизғин палласида келаси Европа Чемпионлар лигаси йўлланмаси учун курашмоқда.
Сўнгги турда туринликлар кутилмаганда “Парма”га ютқазиб қўйди ва кучли тўртликка қўшилиб олиш имконини қўлдан чиқарди.
“Ювентус”нинг етакчи ўйинчилари агар жамоа Чемпионлар лигасига чиқа олмаса, Туринни тарк этиши мумкинлиги айтилмоқда.
La Gazzetta dello Sport нашрининг ёзишича, агар “Ювентус” қитъанинг энг нуфузли мусобақасида қатнашмаса, ғазнага 60 миллион евро миқдорида тушум бўлмайди. Бунинг оқибатида клуб етакчи ҳимоячилар – Федерико Гатти ва Андреа Камбьязони сотиб юборишга мажбур бўлади.
Шунингдек, дарвозабон Маттиа Перин ва ҳужумчи Душан Влахович ҳам ҳозирги жамоасида фақат Чемпионлар лигаси учун ўйнаётгани маълум бўлди. Улардан ташқари, ижарада ўйнаётган Рандаль Коло Муани ва Франсишку Консайсау ҳам Чемпионлар лигаси бўлмаса, Туринда узоқ қолмайди.
Фикрлар