"Челси" мисли кўрилмаган таклифни илгари сурмоқда

"Челси" клуби карантиндан кейин бўлиб ўтадиган ўйинларда футболчи алмаштиришни 3 тадан 5 тага оширилганига қаноатланмаяпти.

The Telegraph нашрининг хабар беришича, “аристократлар” ҳар бир ўйинда 9 тагача футболчи алмаштиришга рухсат берилишини хоҳлашмоқда. Лондонликларнинг фикрига кўра, айнан шу йўл орқали 3 ой футболсиз яшаган ўйинчиларнинг жароҳат олишидан сақлаб қолиш мумкин.

“Челси” айни дамда премьер-лига мусобақа жадвалида 4-ўринда бормоқда.