Бокс. Ҳамюртимизни тўхтата олишмади!

Айни пайтда Россия Федерациясининг Уфа шаҳрида жойлашган "Wrestling Palace" мажмуасида IBA PRO 3 профессионал бокс оқшоми бўлиб ўтмоқда.

Ҳозиргина ўзбекистонлик чарм қўлқоп устаси Ҳавасбек Асадуллаевнинг жанги якунланди. Мезбонлар вакили Алан Хугаевга қарши баҳс олиб борган ҳамюртимиз якунда ғалабани қўлга киритди.

Тўлиқ 6 раунд давом этган қарама-қаршиликда Асадуллаев ҳакамларнинг якдил қарорига кўра зафар қучди.

Маълумот учун, бу жанг Ҳавасбек  учун профессионал фаолиятидаги тўртинчиси бўлди. Вакилимиз ҳозирга қадар ғалабали серия қайд этиб келмоқда.