"Бешиктош" "Бавария" ярим ҳимоячисини сотиб олмоқчи

"Бавария" футболчиси Марсель Сабицер "Бешиктош" клубига ўтиши мумкин, дея хабар бермоқда Туркиянинг "Fanatik" нашри. 

Мюнхенликлар ярим ҳимоячини қўйиб юборишга тайёр ва бу трансфердан 17 миллион евро ишлаб топишни мақсад қилган. Тез орада "Бешиктош" "Бавария" билан музокараларни бошлайди. 

Сабицер якунига етган мавсумни "Манчестер Юнайтед"да ўтказди. 29 ёшли футболчи "қизил иблислар" сафида қолиши ҳам мумкин эди. Аммо раҳбарият бошқа вариантларни кўриб чиқишга қарор қилди. 

Эслатиб ўтамиз, Марселнинг немис клуби билан тузган шартномаси 2025 йилгача амал қилади. У 2021 йилда "Лейпциг"дан 25 миллион еврога сотиб олинган.