Benzema: Ronaldu eng zo‘ri emas

Karim Benzema futbol tarixidagi eng buyuk futbolchi kimligini aytib o‘tdi. Shuningdek, "Al-Ittihod" futbolchisi Krishtianu Ronalduning fikriga ham izoh bildirdi.

Avvalroq, Ronaldu o‘zini futbol tarixidagi eng zo‘r o‘yinchi deb hisoblashini ma’lum qilgandi.

- Har kimning o‘z fikri bor. U o‘zini tarixdagi eng zo‘ri deb hisobladi. Men uchun esa eng zo‘ri braziliyalik Ronaldo hisoblanadi.

Men futbolchilarni taqqoslashni yoqtirmayman. Sababi, har birining o‘z tarixi bor deb o‘ylayman, - dedi "Real"ning sobiq hujumchisi "TNT Sports" nashriga bergan intervyusida.