"Бенфика" президенти жамоага янги мураббий келишини тасдиқлади

Собиқ португалиялик футболчи, ҳозирда Лиссабоннинг "Бенфика" клуби президенти Руй Кошта Чемпионлар Лигаси гуруҳ босқичининг биринчи турида "Қарабоғ"га қарши мағлубиятдан сўнг Бруну Лаженинг истеъфоси ҳақида фикр билдирди.

- Брунуга қилган меҳнати учун миннатдорчилик изҳор этаман. Бироқ, хайрлашиш вақти келди. Кейинги мураббийга келсак, шанба кунигача янги мутахассис тайинлашни умид қилмоқдамиз, - деди жамоа президенти.

Эслатиб ўтамиз, "Бенфика" ўз майдонида "Қарабоғ"га кутилмаганда 2:3 ҳисобида мағлубиятга учради. Чемпионлар лигасининг навбатдаги ўйинида "бургутлар" "Челси"га қарши баҳс олиб боради.