Беллингем “Реал”га суперфутболчи топиб берди

“Реал” германиялик ярим ҳимоячи Тони Кроос жамоани тарк этганидан бери унинг ўрнини босадиган ўйинчи қидирмоқда. Ҳозиргача бу позицияда ўйнаган футболчиларнинг бирортаси Кроос даражасига чиқа олмади.

Шунга қарамай, жамоанинг англиялик легионери Жуд Беллингем майдон марказини мустаҳкам ушлайдиган футболчи борлигини таъкидлади.

Sport.es ва Daily Mail каби манбаларнинг ёзишича, Беллингем “Реал” раҳбариятига “Кристал Пэлас” ярим ҳимоячиси Адам Уортонни олишни тавсия қилган.

Беллингем 21 ёшли футболчини Хаби Алонсо “Пеал”га сингдираётган янги ўйин услубига тўлиқ мос тушишига ишонч билдирди.

Уортон ўтган мавсумда 27 та учрашувда иштирок этди. Иқтидорли ярим ҳимоячи “Кристал Пэлас” сафида клуб тарихида илк бор Англия кубоги ва Суперкубогини қўлга киритди. Унинг клуб билан шартномаси 2029 йилнинг 30 июнигача тузилган.