“Barselona” yana bir o‘yinchidan voz kechdi

“Barselona”ni chempionlikka olib kelgan Xavi Ernandes tarkibni tozalash ishlarini davom ettirmoqda.

Ispaniyalik mutaxassisning navbatdagi “qurboni” Markos Alonso bo‘ladi. Klub rahbariyati 32 yoshli himoyachini transferga qo‘ydi.

Jurnalist Xerar Romeroning ta’kidlashicha,  kataloniyaliklar endi ispaniyalik futbolchi xizmatlaridan foydalanmoqchi emas.

Markos Alonso o‘tgan yili yozda “Chelsi”dan erkin agent sifatida kelgan edi. Odatda, bu futbolchi chap qanot himoyasida o‘ynaydi. Xavi Ernandes o‘tgan mavsum uni asosan mudofaa markazida o‘ynatdi.

Boshida “Barselona” tajribali o‘yinchi bilan bir mavsumga bitim tuzgandi. Keyinroq shartnoma muddati uzaytirildi.