"Barselona" va ter Shtegen o‘rtasidagi "gap-so‘zlar" yana davom etadi

"Barselona" klubi rahbariyati darvozabon Mark-Andre ter Shtegen bilan amaldagi shartnomani uzaytirish bo‘yicha muzokaralarni davom ettiradi.

Italiyalik jurnalist Nikolo Skiraning xabar berishicha, tomonlar o‘rtasidagi navbatdagi muzokarala kelayotgan haftada bo‘lib o‘tadi. Bungacha esa ular maosh masalasida bir to‘xtamga kela olishmayotgan edi. Aniqrog‘i, “Barsa” ter Shtegenga yiliga 6,3 mln evro maosh taklif qilayotgandi, futbolchi esa 10 mln evro olishni xohlamoqda.

Ter Shtegen “Barselona”da 2014 yildan buyon to‘p surib kelmoqda. U joriy mavsum 34 ta o‘yinda maydonga tushdi va o‘z darvozasidan 34 ta gol o‘tkazib yubordi.