"Барселона" шу ҳафтада 2 та футболчининг таништирув маросимини ўтказмоқчи

"Барселона" бу ҳафта икки футболчининг тақдимотини ўтказишни режалаштирган. Бу ҳақда инсайдер Фабрицио Романо ўзининг твиттер саҳифасида маълум қилди.

Манбага кўра, клуб президенти Жоан Лапорта "Лидс"дан 58+7 миллион евро эвазига сотиб олинаётган бразилиялик ҳужумчи Рафиньяни тез орада оммага таништирилишини айтди.

Шунингдек, "Барса" президенти Усмон Дембеле билан амалдаги шартнома узайтирилгани ҳақида ҳам шу ҳафтада эълон қилинишини маълум қилган. Шу ёз “Барса” билан шартномаси якунланган франциялик футболчи каталонияликлар билан янги 2 йиллик шартнома имзолагани айтилмоқда.