"Barselona" qiziqish bildirgan Jahon chempioni faoliyatini Frantsiyada davom ettiradi

"Inter"ning frantsiyalik himoyachisi Benjamin Pavar faoliyatini "Marsel"da davom ettirishi mumkin.

Insayder Matteo Morettoning xabar berishicha, klublar og‘zaki kelishuvga erishgan. Futbolchi 15 million evroga sotib olish imkoniyati bilan ijara asosida Frantsiya chempionatiga yo‘l oladi.

Italiyaliklar "Marsel"ning dastlabki takliflarini rad etgan bo‘lsa-da, tomonlar yakunda murosaga kelishdi.

Avvalroq, himoyachiga ispaniyaning "Barselona" kklubi ham qiziqish bildirgani haqida xabar bergan edik.

Transfermarkt ma’lumotlariga ko‘ra, Pavarning qiymati 25 million evroni tashkil etadi. Futbolchi 2023 yilning yozida Myunxenning "Bavariya" jamoasidan Italiyaga ko‘chib o‘tgan edi.