“Barselona” futbolchisidan voz kechdi

“Barselona” rahbariyati jamoa himoyachisi Samyuel Umtitini qo‘yib yuborishga qaror qildi.

Ma’lumotlarga qaraganda, klub xo‘jayinlari frantsiyalik futbolchining iqtidorini yuqori baholaydi, lekin uning aksariyat vaqtini jarohatlarini davolashga sarflayotgani ularga ma’qul kelmayapti. Shu bois, klub Umtitini qishda transfer qilishga rozilik berdi.

Umtiti uchun kurashda “Yuventus” favorit hisoblanadi. Biroq, kataloniyaliklar boshqa klublarning taklifini ham o‘rganib chiqishga tayyor. Samyuelga qiziqayotganlar orasida “Manchester Yunayted”, “Arsenal”, “Liverpul”, “Bavariya” va “Milan” kabi etakchi jamoalar ham bor.