“Барса” хўжайини Мессини шарафлашдан бош тортди

“Барселона” президенти Жоан Лапорта жамоанинг уй стадионига клубнинг собиқ футболчиси Лионель Месси номининг берилишига қарши чиқди.

- Мессининг ҳайкалини қўйишимиз мумкинми? Бу борада ҳали қарор қилмаганмиз. Ҳозир бошқа устувор вазифалар бор. “Камп Ноу” тўлиқ битгач, уни шарафлаш учун муносабатини ўйлаб кўрамиз.

Стадионни унинг номи билан аташ бўйича ҳам кенгашда муҳокама бўлди, лекин бундай вариантни муносиб эмас, деб топдик. Стадион номи “Камп Ноу” бўлиб қолади, - деди Жоан Лапорта Испаниянинг нуфузли нашрлардан Mundo Deportivo журналистларига берган интервьюсида.

Лионель Месси “Барселона” тарихида чуқур из қолдирган афсоналардан ҳисобланади. Аргентиналик юлдуз Каталония клуби учун профессионал даражада 778 та учрашув ўтказиб, 672 та гол урган ва бу “Барселона” тарихидаг энг зўр тўпурар ҳисобланади.