“Barsa” sotmagan futbolchi birdan katta maosh talab qila boshladi

“Barselona”ning markaziy himoyachisi Ronald Arauxo kelajakdagi rejalariga oydinlik kiritib oldi.

Urugvaylik futbolchi klub katta maosh ko‘rsatilgan yangi shartnoma berishini kutyapti. Arauxo Kataloniyada ham unga Angliya va Germaniya klublari taklif qilgan darajadagi maoshni olib, xotirjam to‘p tepmoqchi.

Ma’lumki, iste’dodli o‘yinchiga anchadan beri Evropaning grand klublaridan taklif bo‘lmoqda. Biroq kataloniyaliklar uni qo‘yib yubormayapti.

25 yoshli futbolchi agar klub unga maoshi oshirilgan yangi bitim taklif qilmasa, 2026 yili amaldagi kelishuvi tugaganidan keyin erkin agent maqomida “Barsa”ni tark etishini bildirdi.