“Барса” шокда. Чемпионлик “Реал”га боғлиқ бўлиб қолди

Примеранинг 30-турида “Севилья”ни енголмаган “Барселона” ҳимоячиси Жерар Пике жамоасининг чемпион бўлишига ишончини йўқотди.

- Энди Ла Лигада зафар қучиш қийин. “Реал” имкониятни қўлдан чиқармайди. Биз рақибдан яхши ўйнадик, кўп вазиятлар яратдик, лекин гол уролмадик. Биз имкониятни бой бердик, - деди Пике.

Айни пайтда “Барселона” 65 очко билан биринчи ўринни эгаллаб турибди. Каталонияликлардан уч очкога ортда қолаётган “Реал”нинг захирада битта учрашуви бор. 52 очко жамғарган “Севилья” учинчи ўринни ушлаб қолиш учун курашмоқда.

“Барселона” ва “Реал”нинг ўзаро учрашувида устунлик Зидан шогирдлари томонида. Чунки Каталониядаги баҳсда ҳисоб очилмаган. Мадридда эса мезбонлар 2:0 ҳисобида зафар қучган.