"Барчаси режа асосида" - МЛС клуби Де Брюйне билан музокаралар олиб бормоқда

"Манчестер Сити" ярим ҳимоячиси Кевин Де Брюйне МЛС лигасининг янги мавсумида дебют қиладиган "Сан-Диего" жамоаси футболчисига айланиши мумкин. Бу ҳақда "New York Times" хабар бермоқда.

Хабарда томонлар ўртасидаги музокаралар режа асосида борилаётгани айтилган. Ҳозирча ҳеч қандай келишувга эришилмаган бўлса-да, Америка клуби барчаси улар кутганидек якунланишига ишонч билдирмоқда.

Таъкидланишича, "Сан-Диего" Де Брюйне билан шартнома имзолашни устувор вазифа сифатида белгилаб, лиганинг энг кучли таркибларидан бирини шакллантирмоқчи.

Маълумот учун, белгиялик хавбекнинг "шаҳарликлар" билан амалдаги шартномаси шу йилнинг ёзида якунига етади.