"Barchasi reja asosida" - MLS klubi De Bryuyne bilan muzokaralar olib bormoqda

"Manchester Siti" yarim himoyachisi Kevin De Bryuyne MLS ligasining yangi mavsumida debyut qiladigan "San-Diego" jamoasi futbolchisiga aylanishi mumkin. Bu haqda "New York Times" xabar bermoqda.

Xabarda tomonlar o‘rtasidagi muzokaralar reja asosida borilayotgani aytilgan. Hozircha hech qanday kelishuvga erishilmagan bo‘lsa-da, Amerika klubi barchasi ular kutganidek yakunlanishiga ishonch bildirmoqda.

Ta’kidlanishicha, "San-Diego" De Bryuyne bilan shartnoma imzolashni ustuvor vazifa sifatida belgilab, liganing eng kuchli tarkiblaridan birini shakllantirmoqchi.

Ma’lumot uchun, belgiyalik xavbekning "shaharliklar" bilan amaldagi shartnomasi shu yilning yozida yakuniga etadi.