ATP. Камбэк қурбонига айланган Надаль финал чипталарини бой берди

Лондон шаҳри теннис бўйича эркаклар ўртасидаги йилнинг якуний турнирига мезбонлик қилмоқда. Навбатдаги кун беллашуви иккинчи финалчини ҳам аниқлаб берди.

Финал остонасида дуч келган россиялик Даниил Медведев ва испаниялик Рафаэль Надаль мухлисларга ҳақиқий шоу кўрсатиб берди. Дастлабки сетни ўз фойдасига ёздириб қўйган Рафа кейингиларида ўзига ўхшамади. Якуний ҳисоб: 3:6, 7:6(7:4), 6:3. Медведев фойдасига.

Шу тариқа, рус спортчиси ушбу мусобақа давомида теннис грандлари Рафаэль Надаль ва Новак Жоковичдан устун келди.