“Atletiko”ning chempionligi yosh bolaning o‘limi bilan yakun topdi

“Atletiko”ning Ispaniya chempionatida g‘olib chiqqani 14 yoshli o‘smirning o‘limiga sabab bo‘ldi.

Ma’lumotlarga qaraganda, klubning 14 yoshli muxlisi  “Atletiko”ning chempionligini nishonlash vaqtida avtomobildan boshini chiqargan va devorga urilgan. Yuragi to‘xtab qolgan bolakay tez yordam xodimlarining xatti-harakatiga qaramay, hayotdan ko‘z yumdi.

Eslatib o‘tamiz, “Atletiko” o‘z tarixida 11-marotaba Ispaniya chempioni bo‘ldi. Oxirgi marta Diego Simeone shogirdlari 2014 yilda primerada zafar quchgandi.