"Атлетико" ярим ҳимоячиси Каталония гранди нишонида!

"Атлетико" ярим ҳимоячиси Тома Лемар фаолиятини "Жирона"да давом эттириши мумкин.

"L’Équipe" нашри хабарига кўра, Каталония клуби 29 ёшли футболчини ижарага олиш борасида музокараларни бошлаган. Футболчига "Жирона"дан ташқари "Райо Валекано", "Осасуна" ва "Сельта" клублари ҳам қизиқиш билдирмоқда.

Лемарнинг "Атлетико" билан шартномаси 2027 йилнинг ёзига қадар мўлжалланган ва унинг нархи 5 миллион еврони ташкил қилади. 2024/25 йилги мавсумда франциялик ярим ҳимоячи саккизта ўйинда майдонга тушди.