"Атлетико" президенти: "Кейинги мавсумдаги мақсадимиз - требл қайд этиш"

"Атлетико" президенти Энрике Сересо янги мавсумда жамоа олдига қўйилган вазифалар ҳақида гапирди. Унинг сўзларига кўра, мақсад — учта турнирда ҳам ғолиб чиқиш.

"Бизнинг вазифа — ҳаммасини ютиш. Учинчи ўрин эмас, айнан ғалаба. Биз ҳар учала мусобақани ютмоқчимиз. Барчасини. Керакли футболчиларни трансфер қилдик. Менимча, жамоа буни уддалайди. Агар имконият бўлса, яна бир футболчи олишимиз мумкин, лекин ҳозирча кимдир келади, деб ўйламайман" — деди Сересо журналистларга.

Эслатиб ўтамиз, "Атлетико" ўтган мавсум Ла Лигани учинчи ўринда якунлаган ва Чемпионлар лигасида 1/8 финалгача етиб борганди. "Матрасчилар" ушбу босқичда Мадриднинг "Реал" клубига мағлуб бўлиб, турнирни тарк этган эди.