"Аталанта" жамоа бош мураббийи билан шартномани узайтирмоқчи

Жан Пьеро Гасперини "Аталанта" билан келишувни узайтириши мумкин. Бу ҳақда Жанлука Ди Марцио хабар бермоқда.

Манба маълумотларига кўра, клуб бош мураббийга 2027 йилгача мўлжалланган янги келишувни таклиф қилган.

Аввалроқ, 67 ёшли мутахассис 2026 йилда тугайдиган амалдаги шартномасини узайтирмаслигини айтган эди. У ҳатто жамоани шу йилнинг ўзидаёқ тарк этиши мумкинлигини тахмин қилганди.

Маълумот учун, "Аталанта" А Серия турнир жадвалида 37 турдан сўнг 74 очко тўплаб, 3-ўринни эгаллаб турибди.