"Arsenal"ning yozda amalga oshiradigan ikki transferi ma’lum

Londonning "Arsenal" klubi yozgi transfer oynasidagi  sotib olinadigan futbolchilarni rejalashtira boshladi.

Britaniyalik nashrlarning ma’lum qilishicha, "kanonirlar"ning "short listi"dan ikki asosiy futbolchi o‘rin olgan. Ulardan biri "Brentford" hujumchisi Ayvan Toni bo‘lsa, yana biri "Vulverxempton" yarim himoyachisi Pedru Netu. Poytaxt klubi rahbariyati bu futbolchilarni qo‘lga kiritish uchun taxminan 150 million funt sarflashga tayyor. Qolaversa, "Arsenal"ning ehtimoliy o‘yinchilari ro‘yxatida "Real Sosedad" xavbeki Martin Subimendi ham bor.

Angliya chempionatining 25-turidan so‘ng Arteta shogirdlari 55 ochko jamg‘arib, turnir jadvalida ikkinchi o‘rinda bormoqda.