"Арсенал" икки сотмоқчи бўлган футболчисини жамоада олиб қолишга қарор қилди

Лондоннинг "Арсенал" клуби Александр Зинченко ва Леандро Троссарднинг келажагига оид қарорни қабул қилди. "Transfer News Live" манбасининг ёзишича, "канонирлар" украиналик ва бельгиялик футболчиларга тушадиган ҳар қандай таклифларни рад этишга тайёр.

Ҳар икки футболчининг амалдаги шартномаси 2026 йилнинг ўртасигача мўлжалланган. 28 ёшли Зинченко "Арсенал" сафида 91 та ўйин ўтказиб, 3 та гол урган ва 5 та голли узатма амалга оширган. 

30 ёшли Троссард эса 124 та баҳсда майдонга тушиб, 28 та гол ва 23 та ассист қайд этган.

Эслатиб ўтамиз, ўтган АПЛ мавсумида "Арсенал" чемпионатни иккинчи ўринда якунлаганди. Янги мавсумда эса янги трансферларни амалга ошириб, чемпионлик учун чинакамига курашмоқчи.