Арне Слот ўрнига муносиб номзод топилди

"Ливерпуль" бош мураббийи Арне Слот лавозимидан озод қилинса, унинг ўрнини Стивен Жеррард эгаллаши мумкин.

Мавсумни омадсиз тарзда давом эттираётган "Ливерпуль" яқин кунларда мураббий алмаштириши мумкин. Арне Слот истеъфога чиқарилган тақдирда, унинг ўрнини клуб афсонаси Стивен Жеррард эгаллаши эҳтимоли мавжуд. Маълум бўлишича, англиялик собиқ футболчи билан музокаралар бўлиб ўтган. Слот 2024 йилнинг ёзида Юрген Клопп ўрнига "қизиллар"нинг бош мураббийи этиб тайинланган эди. Унинг клуб билан шартномаси 2027 йилнинг ёзида якунига етади. 

Маълумот учун, нидерландиялик мутахассис қўл остида мерсисайдликлар ўтган мавсумда Англия Премьер-лигасида чемпионликни тантана қилган эди.