Anvar Turapov Filippinda jang qiladi

WBC Asia kamari soxibi hamyurtimiz Anvar Turapov 31 avgust kuni Filippinda navbatdagi reyting jangida ishtirok etadi. Raqib mezbon bokschi Roldan Aldea bo‘ladi. Filippinlik charmqo‘lqop ustasi anchagina tajribali bo‘lib, profi ringda 22 ta jang o‘tkazgan. Ulardan 14 tasida zafar quchib, 7 bora mag‘lubiyatga uchragan. Bir bora durang qayd etgan. G‘alabalarining sakkiztasini nokaut evaziga qo‘lga kiritgan. Yurtdoshimizning profi ringdagi natijasi esa 5-4-1-0 ko‘rinishini olgan.