Antonio Konte: "Biz maydonni terga belangan holda tark etishimiz kerak"

“Napoli” bosh murabbiyi Antonio Konte jamoasining chempionlik imkoniyatlari haqida fikr bildirdi. Uning aytishicha, jamoa Skudetto uchun oxirigacha kurashadi.

"Biz aqldan ozgan bo‘lardik, agar chempionlikka ishonmasak. Mavsum oxirigacha to‘qqizta o‘yin qoldi va biz etakchidan atigi uch ochko ortdamiz – bunday vaziyatda har qanday jamoa g‘alaba haqida o‘ylaydi. Hatto kuchli va zaif tomonlarimiz bilan ham biz yuqori o‘rindamiz – bu mavsum boshida hech kim kutmagan natija edi. Shuning uchun 100% berilib o‘ynashga majburmiz.

Biz maydonni terga belangan holda tark etishimiz kerak. Skudettoni faqat bitta jamoa yutadi, lekin Chempionlar Ligasi yo‘llanmasi uchun kurash ham davom etmoqda. Biz doimo oldinga intilishimiz va faqat birinchi o‘rinni ko‘zlashimiz kerak.

Ertaga biz kuchli raqibga qarshi o‘ynaymiz. “Milan” chempionlik uchun yaratilgan jamoa va qishki transferlarda yanada kuchaydi. Bizga “Diego Armando Maradona” stadionidagi muxlislar qo‘llab-quvvatlashi kerak bo‘ladi, chunki o‘yin davomida qiyin paytlar bo‘lishi aniq. “Milan”ga hurmat bilan qaraymiz, ammo ulardan qo‘rqmaymiz.

So‘nggi haftalarda biz yaxshiroq natijalarga loyiq edik. Biroq, omadsiz o‘yinlar futbolchilar ruhiyatiga ta’sir qiladi – bu xatodir. Bu o‘sish jarayonining bir qismi, biz xatolarni tushunish va ular ustida ishlashimiz lozim” - deya ta’rif berib o‘tdi italiyalik mutaxassis.