Angliyadagi eng qimmat o‘yinchi kim?

Transfermarkt portali Angliya Premer-ligasining eng qimmatbaho futbolchilari reytingini e’lon qildi.

Unga ko‘ra, liganing eng qimmat o‘yinchisi Erling Xoland bo‘lib turibdi. Norvegiyalik to‘purar 180 million evroga baholangan.

Ikkinchi o‘rinda qayd etilgan  “Arsenal” hujumchisi Bukayo Sakaning transfer summasi 120 million evroga ko‘tarildi.

Kuchli uchlikni “Manchester Siti” futbolchisi Fil Foden 110 million evrolik narx bilan yakunlab berdi.

Narxi 100 million evroni tashkil qilayotgan “Arsenal" o‘yinchisi Deklay Rays va “Manchester Siti” vakili Rodri Ernandes kuchli beshlikdan joy olgan.