Аморимни ноябргача ишдан бўшатиш МЮга қимматга тушади

"Манчестер Юнайтед" Рубен Аморим жамоа бош мураббийлигидан истеъфога чиқарилса, бу лавозимга тайинланганига бир йил тўлгунга қадар унга 12 млн фунт (13,8 млн евро) тўлаши керак бўлади. Португалиялик мутахассиснинг мураббийлар штаби ишдан бўшатиш нафақасини олади. Бу ҳақда Daily Mail хабар бермоқда.

Аморим 2024 йилнинг 1 ноябрида "қизил иблислар" билан икки йиллик шартнома имзолаган эди. Манбада таъкидланишича, 40 ёшли мутахассиснинг маоши йилига 6,5 млн фунт стерлинг (7,4 млн евро) ни ташкил этади.

Аввалроқ ОАВда "Манчестер Юнайтед" раҳбарияти Англия чемпионатининг кейинги учта ўйинида қониқарсиз натижа қайд этган тақдирда Аморимни истеъфога чиқариши мумкинлиги ҳақида хабарлар тарқалган эди.