Альба «Олтин тўп» соҳибини танлади
«Барселона»нинг собиқ футболчиси Жорди Альба 2026 йилда «Олтин тўп»ни қўлга киритиши мумкин бўлган номзодлар ҳақида фикр билдирди.
«Ростини айтсам, бу сафар ғолиб ким бўлишини умуман тасаввур қила олмаяпман. Жуда катта ноаниқлик бор. Агар шахсий фикрим қизиқ бўлса, мен Месси номзодини айтардим. Лионел жуда зўр мавсум ўтказди, жаҳон чемпионатида ҳам ўзини ажойиб томондан кўрсатди. Кўпчилик Ямал ва Мбаппе ҳақида гапиряпти. Мен эса 19 ёшида эришган ютуқларини инобатга олган ҳолда Ламинни қўллаб-қувватлардим», – дея испан футболчисининг сўзларини AS нашри келтиради.
«Олтин тўп» тақдимот маросими душанба, 26 октябрь куни бўлиб ўтади. Тантанали тадбирга Лондон шаҳри мезбонлик қилади.
Ўтган йили ушбу нуфузли совринни француз яримҳимоячиси Усман Дембеле қўлга киритган эди.