Агуэро Ямал ва Винисиус ўртасидаги фарқ нимада эканлигини айтди

Серхио Агуэро Ламин Ямал ва Винисиус Жуниорнинг ўйин услубини таққослади.

- Сиз ўтган мавсумда биринчи класико олдидан Ламин Ямал Винисиус Жуниордан яхшироқ эканини айтган эдингиз. Ҳақ бўлиб чиқдингиз шекилли?

- Аниқлик киритмоқчиман: иккаласи ҳам жуда иқтидорли футболчи деб ҳисоблайман. Бироқ, Ламин чиндан ҳам "Барселона"да ҳам, Испания терма жамоасида ҳам ҳал қилувчи ўйинчига айланди.

Уларнинг ҳужумдаги ўйин услублари бутунлай фарқ қилади. Бу Винининг камчилиги эмас, лекин назаримда, Ямал кўпроқ универсал футболчи ҳисобланади, - деди "Барселона" ва Аргентина терма жамоасининг собиқ ҳужумчиси.