AGMKning navbatdagi raqibi Rossiya klubi

Ertaga AGMK yig‘in rejasidan o‘rin olgan ikkinchi uchrashuvini o‘tkazadi. Bu haqda klub matbuot xizmati xabar bermoqda. 

Bu gal olmaliqliklarga Rossiya 2-divizioni vakili "Nefteximik" raqib bo‘ladi. Bu uchrashuvda jamoa mashg‘ulotlarida ishtirok etayotgan 16 nafar futbolchi ishtirok etadi. Qolgan futbolchilar mashg‘ulot bilan cheklanishadi. Sababi, futbolchilarda etarli o‘yin amaliyotini tashkil etish maqsadida 10 fevral kuni yana bir nazorat o‘yini tashkillashtiriladi. Jamoa yana bir marta Luganskning "Zarya" klubiga qarshi o‘rtoqlik o‘yini o‘tkazadi.

Ertangi bahs mahalliy vaqt bilan 16:00da Topkape sport majmuasida boshlanadi.