Afoninning sobiq jamoasi bankrotlik ostonasida turibdi

Rossiya premer-ligasining yana bir klubi pandemiya tufayli jiddiy moliyaviy inqirozga yuz tutdi.

Xabarlarga qaraganda, “Orenburg” rahbariyati jamoaning bankrot bo‘lishidan xavfsirashmoqda. Gap shundaki, agar futbolchilar maoshlarining 30 foizga qisqartirilishiga rozi bo‘lishmasa, inqirozdan qochib-qutulib bo‘lmaydi. Afsuski, futbolchilar rahbariyatning bu shartiga ko‘nishmayapti.

“Orenburg” ayni damda RPL musobaqa jadvalida 13-o‘rinda bormoqda. Ularning xavfli zonadan bor yo‘g‘i 1 ochko ajratib turibdi xolos.

Eslatib o‘tish lozimki, "Orenburg" safida hamyurtimiz Vadim Afonin uzoq yillar to‘p surgan edi.