"Vilyarreal" Meksika terma jamoasi himoyachisi bilan shartnoma imzoladi

“Portu” klubi himoyachisi Migel Layyun faoliyatini “Vilyarreal”da davom ettiradigan bo‘ldi.

Marca nashri tarqatgan xabarga ko‘ra 30 yoshli meksikalik futbolchi “sariq suv osti kemasi” bilan 3 yillik shartnoma imzolagan. Uning transferi esa ispan klubiga 4 mln evroga tushgan.

Ma’lumot uchun, Layyun o‘tgan mavsumni “Portu”da boshlab, ikkinchi davrasini “Sevilya”da ijara asosida o‘tkazgan. U Rossiyada bo‘lib o‘tayotgan JCh-2018da Meksika terma jamoasi safida barcha 4ta o‘yinda ishtirok etdi.