Роналду: “Ювентус” – бу ҳақиқий оила!

“Ювентус” ҳужумчиси Криштиану Роналду Турин клубидаги ҳолат ҳақида ўз фикрларини билдириб ўтди. Унинг сўзларига кўра, бу ерда ҳақиқий оила бордек ва одамлар жуда қувноқ.

– Биринчи гол? У албатта, бўлади. Бундан хавотирда эмасман, – дейди Роналду. – Бу муҳими эмас. Асосийси, тайёр бўлиш. Энг яхши спорт формасида бўлишни истайман. Бу билан жамоага ёрдам бериш ва совринлар ютмоқчиман.

– “Ювентус”да одамлар бошқалардан фарқ қилади. Ҳамма жуда ёқимтой. Бу ҳақиқий оила. Шунингдек, мухлислар ҳақида ҳам шундай фикр билдиришим мумкин. Уларни бахтли қилмоқчиман.

– “А” серия? Чемпионатни телевизор орқали кўрганман. Шунинг учун уни биламан, гарчи ўйнамаган бўлсам ҳам. Умид қиламанки, тезда жамоага мослашиб кетаман ва мавсумни кўтаринки руҳда бошлаймиз.