"Реал" мухлислари учун хушхабар: Марсело Эль-Класикода майдонга туша олади

Мадриднинг "Реал" клуби ҳимоячиси Марсело Ла Лиганинг бўлажак – 10-турида “Барселона”га қарши бўлиб ўтадиган  Эль-Класикода иштирок эта олади.

El Mundo Deportivo нашри тарқатган хабарга кўра 30 ёшли бразилиялик футболчининг куни кеча Чемпионлар лигаси доирасида “Виктория”га қарши баҳсда олган жароҳати у қадар жиддий бўлиб чиқмади.  Шу боис у “Камп Ноу”даги ўйинда майдонга туша олади.

Маълумот учун, Марсело жорий мавсум “Реал” сафида жами 9та ўйинда майдонга тушиб, ўз ҳисобига 2та гол ҳамда 1та голли узатма ёздириб қўйишга эришган.